Fasteignamarkaðurinn - Hvað verður hann lengi að jafna sig og ná aftur verðmæti eignanna.

Verðbólgan eins og hún er í dag hefur neikvæð áhrif á fasteignamarkaðinn í gegnum verðtrygginguna.

Þannig að ekki einungis er verðtryggingin að valda því að lánin okkar hækka og hækka heldur er hún einnig að valda því að fasteignaverðið lækkar hratt. Ástæðan er sú að enginn vill kaupa með verðtryggðu láni í svona mikilli verðbólgu.

Það er því ómöguleiki í stöðunni. Verðtryggingin er ólíkindatól sem enginn ræður við. VIð verðum því að afnema hana strax.

Eftir ca 24 mánuði munum við sjá að bönd verða komin á verðtrygginguna ef hún verður ekki felld niður. Þá verður staðan sú að 70% af öllu húsnæði á íslandi verður verðmetið á ca 40 til 50% af upphæð áhvílandi lána.

Þá verður ekki hægt að selja eina einustu eign.

Einhverjir geta fundið samleið með því að skipta á eignum af því að lánin þeirra eru svipað mikið fyrir ofan raunverulegt verðmæti eignanna.

En aðal atriðið er að íslenska þjóðin verður öll í fangelsi - þangað var hún dæmd af verkalýðsforystunni, lífeyrissjóðunum og getulausum stjórnvöldum.

En Greiningardeildir bankann, Jón Bjarki Bentsson og félagar, munu reyna að segja öllum að verðbólgan verði komin niður í 5% um næstu áramót. Um mitt næsta ár segir hann svo að það verði sumarið 2010 og um áramótin 2009 til 2010 munu þeir segja okkur að þetta verði í árslok 2010 og þá munu þeir svo berja sér á brjóst - sjáið hvað við vorum klár - sögðum þetta fyrir 12 mánuðum síðan.

 Í millitíðinni verður öll íslenska þjóðin gjörsamlega gjaldþrota útaf verðtryggingunni.

 Ég er hættur að borga af íbúðaláninu mínu. Vonandi flýtir Landsbankinn sér að selja hana á uppboði svo að ég þurfi ekki að sitja í þessari súpu næstu 40 árin.

 

Fasteingamarkaðurinn mun svo byrja að jafna sig hægt og rólega. En munið eftir því að húsnæðisverð er reiknað inn í verðtrygginguna og því munu lánin hækka með. Þess vegna er enginn möguleiki á að þetta jafni sig á minna en ca 15 árum. Húsnæðisverð þarf að hækka um 100% án þess að lánin hækki neitt bara svo að fólk komist á núllið aftur.

Er ekki ríkisstjórnin að gera grín að okkur?

25 til 30% lækkun þarf á fasteignamarkaði

Athugasemdir

[A.L.F, 15.12.2008 kl. 15:17]

Hækki húsnæðisverð um 100% getur engin keypt fasteign hvort sem er. Sorglegt en margir vissu að hækkun fasteigna var bóla sem myndi sprynga. Fasteignaverð var fyrir löngu komið yfir getu fólks til að kaupa þær nema þú værir að skipta út með annari fasteign.

Alveg eins og í öðrum löndum þar sem fasteignverð steig of hratt, hrapaði það aftur og jafnvægi komst á, vitaskuld þýddi þetta og þýðir að fullt af fólki kemur út í tapi, við því er ekkert að gera annað en að bíta i það súra og sætta sig við orðin hlut. Það húsnæði sem er í boði nú þegar og er að detta inn á markaðinn verður að seljast þó svo að það sé undir fasteignaverði í dag.

[Vésteinn Gauti Hauksson, 15.12.2008 kl. 15:46]

Alveg rétt hjá þér A.L.F

 Hárrétt en annarstaðar þurfti fólk ekki að taka líka á sig hækkun lánanna.

Því eru íslendingar í tvöfaldri súpu.......

[Ragnar Þór Ingólfsson, 16.12.2008 kl. 08:33]

Þetta er hárrétt hjá þér Vésteinn.

Verðtryggð útlán banka og lífeyrissjóða eru að stórum hluta komin upp í um og yfir markaðsvirði þannig að það er eina von sjóðanna að fólkið í landinu asnist til að borga af lánum sem eru langt umfram eignir.

Hvernig dettur þessu mönnum í hug að sannfæra fólk um að þetta verði allt í lagi og jafni sig og best sé að borga. 

Það er greinilegt að það þarf að bæta inn 10-15 siðferði áföngum í Viðskiptafræðina, spurning hvort ekki væri ráð að bæta við einum Biblíuáfanga líka og setja það sem skyldu að læra boðorðin 10.

[Ólafur Guðmundsson, 16.12.2008 kl. 13:14]

Þið haldið að það sé léttvægt að verða gjaldþrota. Það er enginn vitiborinn maður sem vill verða gjaldþrota og ef að þið borgið ekki skuldir ykkar þá verðið þið gjaldþrota. Svo einfalt er það.

[Theódór Norðkvist, 16.12.2008 kl. 16:52]

Getur húsnæðisverð lækkað um tugi prósenta, ef byggingarkostnaður hefur hækkað um allt að 40-50% eins og ég las einhvers staðar?

[Vésteinn Gauti Hauksson (IP-tala skráð) 16.12.2008 kl. 20:45]

Ólafur

Hver er munurinn á því að vera stimplaður gjaldþrota og að eiga eign sem er veðsett langt umfram verðgildi?

Það er nefnilega ótrúlega lítill munur...... bankinn skoðar nefnilega skulda og eignastöðu  - þannig að í hvorugu tilfelli færðu lánafyrirgreiðslu.

Ef þú ert með handbært fé ( sem þú eignast með því að borga ekki í nokkra mánuði) þá er leigumarkaðurinn þannig í dag að fólk tekur hvað sem er sem tryggingu þó að þú sérst á vanskilaskrá.

forsendur eru að breytast Ólafur og ég get sagt þér að það er miklu betra andlega að horfa í spegilinn og viðurkenna fyrir sjálfum sér að þú ert gjaldþrota en að líta ávallt undan og þora hreinlega ekki að bursta tennurnar fyrir kvíða.

Sæll Theódór

Já - Byggingarkostnaður hefur verið miklu miklu lægri en húsnæðisverð að undanförnu - þess vegna gat borgin valdið gríðarlegri verðbólgu með því að selja lóðir á uppsprengdu verði til húsbyggjenda - sem borgin nú neitar að taka við aftur.

En málið er að eftirspurnin ræður ríkjum á markaðnum - vegna verðtryggðra lána vill enginn kaupa íbúði í dag og því fellur húsnæðisverð þangað til að niður á botn er komið.

[Ólafur Örn (IP-tala skráð) 17.12.2008 kl. 00:51]

Ég kæri mig ekki um að heyra svona tal um að maður verði bara að borga skuldir sínar.. Hvernig í FJ****num á maður að borga skuldir sem gera ekki annað en að hækka.

Þar á meðal er höfuðstóllinn að hækka um mörg hundruð þúsund ef ekki milljónir! HVERNIG ER HÆGT AÐ RÉTTLÆTA ÞETTA KJAFTÆÐI!

Það að ég sé kominn í þvílíka vitleysu aðeins 23 ára gamall er ekki réttlætanlegt. Frekjukynslóðin er búin að eiðinleggja of mikið fyrir minni kynslóð.

Þegar að mér var sagt að lánið mitt væri verðtryggt þá var mér líka sagt að ég borgaði verðtrygginguna í hverjum mánuði þannig að lánið hækkaði ekki eins og það er búið að gera.

Seinna kom í ljós að ég borga verðtryggingu ofaná það sem bætist við lánið sem er bara RANGT! Það var logið að mér í geðveikinni.

Þannig að ef ég fer í það að þeir ætla að taka eitthvað af mér þá á ég ekki rassgat og ekki ábyrgðarmaðurinn minn heldur þannig að gangi þeim vel.

Þeir verða bara að sætta sig við það sem ég get borgað hverju sinni og punktur! Það verður því miður ekki rætt neitt frekar.

Og ekki einusinni reyna að segja mér að það sé hægt að réttlæta þetta með lífeyri ellilífeyrisþega þar sem að þeir fá hvort sem er ekki brot af því sem þeir eiga til baka

og lífeyrissjóðirnir eru að leika sér með peningana OKKAR!

Og hvaðan koma verðtryggingarpeningarnir, Jú þetta eru prentaðir peningar SEM ERU EKKI TIL!

Ég krefst þess að þessu rugli verði hætt svo ég geti farið að eignast hluti sem ég keypti í sakleysi mínu. Eignin sem ég átti upphafi í því sem ég keypti hefur nú verið étin upp af verðtrygginguni :(

Það er sorglegt að skoða gíróseðlana í dag.

Og það er glatað að fá lögfræðibréf sem segja ekki rassgat annað en þú þarft að borga.

ÉG ER MEÐ SKIDT OG INGETING Í TEKJUR ÞANNIG ÞAÐ BREYTIR ENGU! ég þarf að hafa mat á borðinu og ég kýs það fram yfir allt!

Ef þetta er rætt við ráðherra þá annaðhvort bulla þeir eða breyta um umræðuefni, hvað segir það Ykkur?

[Arinbjörn Kúld (IP-tala skráð) 17.12.2008 kl. 09:40]

Verðtryggingin er krabbamein í íslensku samfélagi. Eins og Vésteinn segir þá verður íslenska þjóðin gjaldþrota á næsta ári sökum hennar. Eignalaus og án möguleika á að ná sér upp aftur. Sannleikurinn er einfaldlega of beiskur og stór til að stjórnvöld viðurkenni vandann. Eða eins og Þorgerður Katrín sagði: það eru spennandi og skemmtilegir tímar framundan fyrir sjálfstæðismenn. :-)