Á hvaða verði selur Frjálsi sér íbúðirnar?

Nú er stóra spurningin á hvaða verði Frjálsi fjárfestingabankinn selur sjálfum sér þessar íbúðir.

Ég minni á að kröfuhafi verður að láta allt fé sem kemur umfram nauðungarsöluverð renna til skuldarans við sölu.

Þetta þýðir að ef:  t.d Jón Jónsson skuldar 20 milljónir og FF kaupir íbúð hans á 3 milljónir á uppboði að JJ skuldar bankanum 17 milljónir. Bankinn síðan selur íbúðin aftur á 5 milljónir. Þá þarf bankinn að draga auka 2 milljónir frá skuld JJ. Því ætti JJ að skulda bankanum 15 milljónir.

Undir eðlilegum kringumstæðum myndi slík íbúð seljast á ca 15 -20 milljónir hafi hún verið full veðsett.

En nú eru ekki eðlilegar kringumstæður.

Mig grunar að FF selji sjálfum sér íbúðirnar á svipuðu verði og þeir keyptu þær á. Þannig geta þeir rukkað skuldarann um allar eftirstöðvarnar og látið svo íbúðina borga sjálfa sig upp Í ÚTLEIGU.

Ef þetta er raunin þarf einhver röggsamur Alþingismaður og þá helst Jóhanna Sigurðardóttir að beita sér fyrir því strax að slík meðhöndlun á fólki verði stöðvuð strax.

 

 

Banki í fasteignaviðskiptum?

Athugasemdir

[Rakel Sigurgeirsdóttir, 19.3.2009 kl. 17:48]

Mér finnst vera mjög, mjög vond lykt af þessari frétt allri saman Vekur upp fleiri spurningar en svör.

[Jóhannes Baldur Guðmundsson, 19.3.2009 kl. 18:29]

Góð og þörf athugasemd við þessa frétt, virkileg þörf á að hagur heimilanna sé hærri metinn.